Privatchat

Es isch es Verbreche: Eh Cremeschnitte ohni Creme - bzw. ohni die huere Glasur obe druffe. Eigentlech geil, oder? Dr Maelo gseht ds ganz anders. Es isch schwierig mit ihm, ig stellene itze de uf ebay kleinanzeigen.

Es isch chalt dusse, es isch dunkel und nass – drü mau rate chöiter wers hie ih dem Podcast erwischt het. Während dr Elia umehueschtet und sech ah sim Tee verschlückt, nimmt dr Maelo kes Blatt vors Mund und leakt eis nachem andere. Es isch... schwierig.

Umigugge, Widrgugge oder ebe Widrluege: Hüt isch dr Joel aka. ebe dr Widrluege im Privatchat. Z Kinder-Riegel-Gsicht us Fribourg und Moderator bi Maelo’s Stammradio isch - wie dr Maelo seuber - ou uf TikTok aktiv (aber ebe ned wie dr Elia). Mir rede mit ihm über vergesseni Projekt, sini Ahfäng im Radio und vom Event vom Jahr: Dr Swiss Influencer Award (ou hie, ohni Elia).

Jaja, Halloween isch doch fasch chli wie Wiehnachte. Die einte verkleide sech, die angere penne am 10ni scho zumne schlechte Film ih. Und wius no ned viel z früeh isch, gits eh Ihblick ih üsi Wunschlischte - das isches.

Esse wie die Götter dank Sony – das gits nume einisch im Lebe. Maelo und Sekretär Elia si unterwegs gsi in Luzern und hei Kulinarik entdeckt. Das isches – und, es si Müeter beleidigt worde.

En klassisches Wieener Schnitzeeel, gits hütte aufen Teller. Oder wie bim Maelo in 9 vo 10 Täg: McDonalds vo McDelivery. Dr Elia macht derwile Koffeinentzug und springt ufe Macbook-Hype-Zug. Wer ds list, gwinnt es El Tony Mate vo mir (Elia) höchstpersönlech, wiui das ja itz wieder darf trinke - uh de Quark hie sowieso niemer list.

Wo die letschti Folg here isch, das weiss niemerd. Derfür itze in alter Frische wieder da. Wie Squid Game, nume isch das ned so frisch.

Eui Sterchine uh Schwechine - schwach kommentiert. Die Folg isch chli ein Müdi dikka - ganz schlimm. Vorauem we dr Maelo ih sim starke Paracetamol Bad (oder wie das ou immer heisst) geit gah liege. Dr Elia gspürt d Statistik immerno ihde Chnoche uh darum isches Zyt, zum gah schlafe.

Eh ja - Stärken? Schwächen? Motivation? Masturbation? Kopulation? Wasme sech ned aues mau seuber frage söt. Dr Maelo isch körperlech sehr starch und schwächlet mängisch ih frömde DM’s. Dr Elia isch starch… ih… genau! Uh beidi weimer eifach ou chli Liebi - und z neue iPhone, I guess.

De de Elia die Wuche d'Beschribig nid macht und es mich nid so juckt was hie staht (wie 100% vode Podcast Zuiehörer) lahni das eif so.

Früschi 4 Wänd und eh früsche Bachelor: Bim Maelo und Elia isch viu los. Dr Maelo holt sech - nach 5 Jahr - ou mau si Abschluss, während dr Elia vom Möbel verschiebe breit isch worde. Zeme git eh früschi Privatchat-Folg über Elia’s Reis nach Kopenhagen, wo er im Nachtlebe umegschwirrt isch.

Dr Maelo het eh goldigi Regle: Meh als 4i, isch zu viel glernt. Das giltet ned nume bi sim Bachelor, sondern ou im Lebe - es faht scho bim pünktleche Ufstah ah. Währendesse laht dr Elia sis ganze Ersparte ir IKEA lah liege, und cha ner doch no ned ihzieh. Das isses nicht, so wie die Folg.

Z erschte grosse Schwizer Twitch Event isch verbi: D TURNSTUND isch eh volle Erfolg gsi! Viellech ou grad darum, wiu dr Maelo 5 Minute vorem z Morge ufsteit. Dr Elia machts zwar mit weniger Schlaf, derfür mit meh Herzflattere. Darum isch Turne generell weniger öppis für ihn.

Dr Maelo isch zrügg us sine wohlverdiente Ferie in Nizza, wo leider ned so «nice» si gsi. Nebe Heiss und Burger King het Maelo’s Fründin sogar mit ihrem Jura-Studium müesse drohe. Währendesse hetsech dr Elia uf d Turnstund vorbereitet. Jede Tag heter trainiert, dermiter hoffentlech… ned letscht wird.

Wir gspüre z'Summerloch geng no wie die andere Löcher ständig. Dr Maelo tuet nid mau meh Parfum ah, sondern laht sich komplett la gah. Dr Elia hingäge isch sogar im Homeoffice parfümiert und ready für alles (usserd für d Turnstund).

Meh luegt use: Sunne, blaue Himmel und - es isch absolut nix los. Gefühlt sich alles eh chli uf «Stand-by». Das merke ou dr Elia und dr Maelo, wo bi sich deheime umehange und sicher über 1000 Insta-Storys luege, wie d Lüt ihde Ferie si. Aber ou uf YouTube und Twitch louft ned viu, es isch schlichtweg tote Hose. Und darum itze hie: Eh neue Privatchat, wie immer frisch und saftig, nume ebe mit 2 tote Hosene.

Dr Maelo mach Business - und das so heftig, daser zwüsche Madeira, Fribourg und Berlin mittlerwile hin- und her reist. Und das natürlech immer in Gedanke an Mutter Natur. Leider gheit bi dem ganze  Lifestyle ou mau die eint oder angeri Privatchat usem Koffer und geit verlore... usserd hüt mitere neue Folg. Mir si HYPED (aber ned so wie d App).

De Titel seit alles. Die Folg isch sehr verlore. Obwouh de Elia mit sineri 30 Tage Gym Challenge e Struktur ih sim Lebe het, het de Maelo es knapp gschafft di 2. Impfig sich z'gönne. Während d'Schwizer Fuessballnati Gschicht schribt, schribt de Elia no 1 Tag ah sine Skripts im Radio. Ab nächster Wuche isch de Elia nämlich nüm bim Radio. So, gnueg Info! De Räscht chöiter gfälligscht im Podcast lose.

Dr Maelo het 3 Deheime: Fribourg (schüsch würd er ja ned so doof rede), Luzern (wege dr Streaming Wuche) und natürlech: McDonalds. Das wot er uh sini Lebere aber ned so zuegeh. Uf Abentüürsuechi sich derwile dr Elia gsi: D Silver Star im Europapark het ihn fasch Hopps gno und irgendwo liegt es Portemonnaie mit 10 Euro drinn. 

Er isch umi wieder zrugg: Der Maelo het dr El Egnu Boss Unge höchschtpersönlech uf sire Insle im Atlantik kenneglernt. Zwüsche Palme und veganer Pizza heter mit dr Streaming Wuche scho dr nechscht Streich plant. Dr Elia - de plant derwile nume dr Umzug.