Privatchat

Marc und Maelo si EINISCH MEH dr Influencer-Lifestyle am lebe! Si si nämlech in Venedig für d'Swisscom und nähme d'Folg direkt vo dört us uf. Hammer oder? Genau. Usserdem redemer über die ganze Klimastreiks und was mir drvo halte. Besser chönnti mir e Podcast nid vorstelle.

Die armi Petra... Aber no ärmer isch ihre Mah! Dass d'Abzockerin vo dene beidne Rapperin isch, macht die ganzi Gschicht no interessanter. Fasch so interessant wie üses Gspräch übers Rappe. Besti Beschribig.

Alligatore si GANZ faszinierendi Tier! Genau so wie Pythons, die Sieche kenne gar nüt. Marc verzellt vo sine Erfahrige uf dr Chrüzfahrt und mir rede über üse Ordnigsdrang.

Gefühlt jede Mensch het sich de neu Avengers Film ihzoge. Ussderdem isch de Marc würklich komplett de Influencer-Lifestyle am usläbe und gniesse.

Es dreiht sich im Moment alles um Game Of Thrones. Uf dä Zug gumpe wir natürlich oh druf und rede generell über Serie. Dismau leider ohni Marc, dä isch z'fescht mit sim Influencer-Lifestyle beschäftigt.

Mir wärde wider mau nur enttüscht... Game of Thrones isch also wichtiger als üse Podcast? Elia fehlt (SCHO WIDER) und Marc lebt dr Influencer-Lifestyle wie ke zwöite ir Schwiz. Oder vilech oh eifach absolut nid.

Krassi Theorie und krassi Unterhaltig, das isch dr Privatchat Podcast wie me ne kennt und liebt. Ir hütige Folg heimer usegfunde, was es mit Gott uf sich het! Sehr gwagti Ussag :D

Podcasts hebe im Durchschnitt nur 7 Folge düre... Das isch üsi 7. Folg! Elia isch wider nid drbii, kennet ne ja, immer busy üses Berner Arbeistier. Nichtsdestotrotz lifere Marc und Maelo natürlech wider Unterhaltig uf höchstem Niveau.

Mir rede über die würklech wichtige Theme vom Lebe. Lüt wo eim bim Pissoir uf d'Lustwurzle starre, üsi Erfahrig mit eme Graskonsument in Züri und d'Zuekunft vo Videogames. Einisch meh übernehme Marc und Maelo z'Zepter, wüu Elia wider weg isch. Oder doch nid?

Mir labere über "guete" Merch vo gwüssne Persone und übere einzig wahr Dr Stefan Locher, bzw. sini Usenandersetzig mit izzy. Usserdem heimer usegfunde, dass Maelo huere alt isch und Marc het z'Gfühl er cha jetz d'Welt überneh mit sire Motivation.

Hüt heimer e ganz spezielle Gast im Repertoire, nämlech dr Künstler schlechthin: Gian Maria Finger. Er het nid nur üses neue Intro/Outro gmacht, sondern redet mit üs über sini chli spezielleri schuelischi Loufbahn. Usserdem gömer ufs Thema Markechleider ih und tuusche üsi persönleche Sichtwiise drzue us.

Da Elia leider chrank isch, müesse Marc und Maelo hüt z'Zepter überneh. Aber ke Angst. Es isch no lustig. Mir gö uf Frage vo üsne Zuehörer ih und beantworte se fachgrecht, wie sichs für zwöi professionelli "Podcästler" ghört.

Nachem erfolgriiche Start vo üsere erste Podcast-Folg diskutiere mir hüt über Vegetarismus und Marc si Entscheid, wider Fleisch z'konsumiere. Natürlech werde mir üsem "Immer-aktuell-Status" grecht und rede oh no über d'Oscars sowie üse lieb Bundesrat, wo dr Zivildienst wott unattraktiver mache.

Di ersti Folg vo üsem Podcast geit grad richtig ab! Maelo chunnt quasi direkt vom OP-Tisch, Marc het 10 Täg nüt gesse und wege Artikel 13 geit glii d'Welt unter. Oder zmindist z'Internet. Usserdem rede mir über d'Swiss Music Awards und Elia si Stress mit de Abschlussprüefige.