Privatchat

Special guest: Saendu2k

Wer bumst in T-Shirt und geit gha schlafe wie es Grosi? Ig weisses ou ned.

Besser spät als nie? D: Ir neue Folg geits wortwörtlech Diabetes us dr Dose, wo dr Maelo am liebschte ir Schwiz würd à la Pablo Escobar importiere. Hautet eui Zahnbürstli parat…

Lehrstart, z beschte Süessgetränk überhoupt (inkl. Diskussion) und natürlech Wasserpark-Aspirin.

Tri Tra Tralala, Tri Tra Tralala, dr Privatchat-Podcast isch wieder da, dr Privatchat-Podcast isch da. Oder?

2 Jahr hets brucht, jetzt darf dr Elia z ominöse Radio ou mau vo inne gseh: zeme mit em Joel (em Herr Widerluege) si üsi TikTok-Clowns im Trio ungerwegs und nehme sech seuber Hopps. Uh ner sisi no ihs McDonalds, zu aller Freud vom Maelo.

Das hie list eh niemerd... Oder? Antworte gern ah @maeloromani uf Instagram. 

Es isch gsund, es isch früsch, es isch vegan: Eh Burger füre Maelo ih sine Healthy Weeks und eh Pizza Pommes füre Elia – solang, bis sogar dr Pizza-Mah sini Adresse uswendig kennt. Währendem Esse eh Rundi Google Earth oder ebe Örth – was wosch meh? (eigentlech no eh Antwort vom Herr J. Rätz)

Elia macht Ferie mit dr Chatz, während dr Maelo Ferie mit Box-Stars macht – oder so ähnlech. Z mingscht isch er in Köln gsi und het sini Jugend wieder ufglebt. 

Dr Maelo isch ned nume Influencer, sondern neu ou Business-Man. Fasch so wie Batman - dr neui Fium wo dr Elia liebt. Guuuuuuuet - hab ich gesagt...

Was macht dr Maelo ih sire Freizyt? Er spielt Tennis und spielt mitemne Tennis-Pro Fortnite, ja ja ja. Was macht dr Elia ir Freizyt? Er kontrolliert Gym-Ihtritte, völlig kostenlos.

Es isch ungloublech: nach fasch 2 Jahr isch dr Maelo Bsuech in Bern. Uh er het Chueche mitbracht – uh de schmöckt nach Sand, meint emu dr Fribourger (uh die hei eh wenig Ahnig vo Chüeche)

Der Elia und Maelo si beidi viu uf Reise. Dr eint geit nach New York, Brooklyn, Wall Street, Central Park etc. – und ja dr anger, de geit haut nach Züri. Isch ou schön dert.

Dr Elia freut sech vorauem uf eis: z Esse in New York – und weniger ufe Sport. Derfür isch dr Maelo aktiv: er hustlet 1 Serie nachem andere ihne.

MIR SI ZRÜG! Winterpause Ende: Dr Maelo und Elia si einersits früsch gebräunt und anderersits so wiis wie no nie zrügg us de «Sport»ferie. Dr Maelo het no meh Maderia im Herze und dr Elia gseht d Hochhüüser ir (virtuelle) Brülle - big jokes, I know. 

Eh Bachelor-Prüefig mit Meerblick schribe oder z erschte grosse Twitch-Event vor Schwiz verahstaute: 2021 het vieles verändert, bsunders uf YouTube. Eh chline Rückblick ufenes turbulents Jahr <3

Es git es paar Sache wo uf dere Welt falsch loufe, aber HANS IM GLÜCK isch ganz wyt obe uf dr Lischte. So fescht, dass dr Elia und dr Maelo regelrechte Abfuck schiebe. Und sie wünsche schöni Wiehnachte - das übliche eben.

Bachelor in der Tasche, selbstständiger Unternehmer, Adonis: Dr Maelo kennt simpli Tricks, wieme erfolgrich dür Schuel und Studium chunt. Dervo chönntsech dr Elia eh Schiebe abschnitte - oder ou lieber zwöi.

Spotify Wrapped het letschthin öppe aui gjuckt uh ds sogar so starch, das üsi DM's so voll gsi mit Nachrichte. Bsunders dermit, wie lange hie zuelost. Ig chönnts ned, ig seges ehrlech.

Maelo z spät, dr Elia WIEDERMAU chrank - das gits ned. Auso eigentlech alles so wie immer. Das denkt sech aber ned dr Bundesrat, wo d Verschärfe ufeschrubt und ou ned dr Maelo, wo über sini Selbstständigkeit redet. Ig ha sone Hals vom lange warte. Amen.